ABŞ Prezidentliyinə namizəd Donald Trampa sui-qəsd cəhdində ittiham olunan amerikalı Rayan Uesli Rut məhkəmədə ona qarşı irəli sürülən ittihamları rədd edib.
QÜTB.AZ xarici mediaya istinadən xəbər verir ki, təxminən beş dəqiqə davam edən bazar ertəsi iclasında Ruta beş bənd üzrə ittihamlar oxunub və o, hər birini rədd edib. O, məhkəmədə təqsirsiz olduğunu bəyan edib və andlılar məhkəməsinin keçirilməsini istəyib.
Ruta qarşı irəli sürülən ittihamlar ömürlük həbs cəzasına qədər cəza nəzərdə tutur.
Xatırladaq ki, sentyabrın 15-i Florida ştatında Trampa qarşı növbəti sui-qəsd cəhdi olub. Hadisə keçmiş prezidentin qolf klubunun qarşısında baş verib. Atışma zamanı Tramp xəsarət almayıb. Daha öncə iyulun 13-də Pensilvaniya ştatında eks-prezidentə sui-qəsd cəhdi olmuşdu. Bu zaman o, qulağından yaralanmışdı.
