ABŞ-ın sabiq prezidenti və qarşıdan gələn seçkilərdə prezidentliyə namizədlərdən biri olan Donald Trampa qarşı Pensilvaniyada seçkiqabağı kampaniya zamanı edilən hücumu ən sərt şəkildə qınayırıq.
Publika.az xəbər verir ki, bu barədə Türkiyənin Xarici İşlər Nazirliyinin bəyanatında bildirilib.
“Sözügedən sui-qəsd cəhdi həm də xalqın iradəsinə hücumdur. Demokratik siyasətə zorakılıq, dövlət çevrilişi və digər qeyri-qanuni yollarla müdaxilə qəbuledilməzdir”, - deyə bəyanatda vurğulanıb.
Nazirlik ABŞ-da keçiriləcək seçkilərin dinc şəraitdə başa çatacağına ümid etdiyini bildirib.
