Moskva yaxınlığındakı Jukovskidən Düşənbəyə uçan təyyarədə qız uşağı dünyaya gəlib.
Publika.az Medianews.az-a istinadən xəbər verir ki, uçuş bələdçilərindən biri keçmişdə feldşer işlədiyi üçün doğuş zamanı qadına kömək edə bilib.
Qadın hündürlüyə qalxdıqdan dərhal sonra yüksək səslə qışqırmağa başlayıb. Bort bələdçiləri, o cümlədən keçmiş feldşer Nadejda İvakina və sərnişin tibb bacısı Mədinə onun köməyinə qaçıblar. Məlum olub ki, sərnişinin sancıları başlayıb. Onu üç stuldan ibarət bir sıraya qoyublar və doğuş üçün dəst hazırlanıb.
Doğuş problemsiz keçib və təcili eniş tələb olunmayıb. Ana və körpə Düşənbə hava limanında təcili yardıma təhvil verilib. Emosional sərnişinlər yeni doğulmuş körpə üçün “cehiz” toplayıblar.
Toplanmış məbləğin 55 min rubl və 3 min somoni olduğu məlum olub.
