"Nyukasl"ın direktoru Amanda Staveli Səudiyyə Ərəbistanı klublarının Çempionlar Liqasında iştirak edəcəyini bildirib.

Publika.az xəbər verir ki, bu barədə “The Athletic” nəşri məlumat yayıb.

“Mən Səudiyyə klubunun Çempionlar Liqasında mübarizə aparacağına tam əminəm. Bunun nə vaxt baş verəcəyi ilə bağlı heç bir fikrim yoxdur, amma səudiyyəliləri tanıyaraq düşünürəm ki, bu, çox çəkməyəcək”, - Staveli bildirib.

Bundan əvvəl İtaliya mətbuatı Ərəbistan Futbol Federasiyasının Səudiyyə Ərəbistanı komandalarının 2025-ci ildən başlayaraq Çempionlar Liqasında iştirakına icazə vermək məqsədi ilə UEFA ilə fəal danışıqlar apardığını bildirmişdi. Bildirilib ki, ərəblərin ideyası Səudiyyə Ərəbistanından olan komandaların 2025-ci ilə qədər tamamilə dəyişdiriləcək Çempionlar Liqasının yeni formatında iştirak etməkdir. İştirakçıların sayı 36-ya yüksələcək və bütün klublar üçün vahid qrup olacaq.