"Əl-İttihad"ın hücumçusu Kərim Benzema qış transfer pəncərəsində Səudiyyə Ərəbistanı klubunu tərk etməyəcək.
Publika.az xəbər verir ki, bu barədə tanımış jurnalist Ben Yakobs sosial şəbəkə hesabında yazıb. Səudiyyə Ərəbistanının Suveren Fondunun (PIF) və ölkənin İdman Nazirliyinin rəhbərləri yerli çempionatın inkişafı layihəsi çərçivəsində fransalı forvardı saxlamaq niyyətindədirlər.
“Əl-İttihad”ın baş məşqçisi Marselo Qallardo Benzemanı intizamsızlığa görə komandanın məşqlərindən uzaqlaşdırıb. Bununla belə, yaxın günlərdə Kərimin bağışlanacağı bildirilir.
Benzema ötən yay azad agent kimi "Əl İttihad"a keçib. Bu mövsüm forvard bütün turnirlərdə 24 oyun keçirib, 15 qol vurub və 5 məhsuldar ötürmə edib. Futbolçunun Səudiyyə klubu ilə müqaviləsi 2026-cı ilin iyunun sonuna kimi qüvvədədir.
Heybət
