ABŞ-ın sabiq prezidenti Donald Trampın Rusiyanın, NATO qarşısında maliyyə öhdəliklərini yerinə yetirməyən müttəfiqlərə qarşı hücumunun qarşısının alınmayacağı ilə bağlı fikirləri Almaniyada sərt tənqidlərə səbəb olub.
Publika.az xəbər verir ki, Almaniya prezidenti Frank Valter Ştaynmayer Trampın bəyanatını “məsuliyyətsizlik” adlandırıb.
Mətbuat konfransında Staynmayer qeyd edib ki, bu açıqlamalar məsuliyyətsizlikdir, hətta Rusiyanın əlinə oynayır:
“Ancaq bu, təxribat xarakterli olsa belə, ciddiyə almamalı olduğumuz anlamına gəlmir. Donald Trampın NATO üzvünə hücum zamanı ABŞ-ın müqavilə öhdəlikləri ilə bağlı səhv bəyanatları onun nə qədər gözlənilməz, vicdansız və etibarsız olduğunu bir daha sübut edir”.
Aysel Şahmar
