"Cənubi Paytaxtı" KVN komandasının keçmiş üzvü Amiran Gevorkyanın Soçidə dava saldıqdan sonra yıxılaraq öldüyü barədə məlumat vermişdik.

Publika.az xəbər verir ki, insidentin detalları bəlli olub. Amiranın mübahisə etdiyi Artur Rəsulovun atası bildirib ki, münaqişəni Gevorkyan özü törədib. Bu barədə SHOT telegram kanalı yazıb.

Həmin şəxs bildirib ki, Gevorkyan otelin dayanacağında bıçaqla insanlara hücum edib. O, münaqişənin Gevorkyanın Rəsulovun anasını təhqir etməsi səbəbindən başladığını da təsdiqləyib.

Ata əmin edib ki, oğlunun heç bir günahı yoxdur, Amiran sadəcə yıxılıb və Artur onu tutmağa çalışıb. Eyni zamanda, oğlunun hazırda harada olduğunu bilmədiyini də deyib.

Rəsulovun dostları da əvvəllər Gevorkyanı “təxribat xarakterli davranmaqda” ittiham ediblər. Xatırladaq ki, 31 yaşlı Gevorkyan davadan sonra dünyasını dəyişib. Onun yıxılaraq başından xəsarət aldığı, komaya düşdüyü və iki gün sonra xəstəxanada özünə gəlmədən öldüyü bildirilir.

Tural