Müğənni Şakira məşhur jurnallardan birinin üz qabığı üçün şəffaf geyimdə foto çəkdirib.
Publika.az xəbər verir ki, o, həmin fotonu sosial şəbəkə hesabında paylaşıb və foto geniş müzakirəyə səbəb olub.
İzləyicilər paylaşımın altında “İnanılmaz”, “Əsrarəngiz”, “ Daxildən parlaq”, “Bədən forması mükəmməl”, “Pike, yan-tökül”, “Kraliça”, “Gözlər yanır”, “Od”, “Gözəl”, “Əla görünürsən” və s. kimi rəylər yazıblar.
Qeyd edək ki, son müsahibələrində Şakira Pike ilə münasibətlərinin onu aşağı sürüklədiyini bildirmişdi. Ulduzun sözlərinə görə, onun sakitcə musiqi və qastrol səfərləri ilə məşğul olmaq imkanı yox idi.
2022-ci ilin iyununda ifaçı övladlarının atasını, İspaniyanın “Barselona” futbol klubunun keçmiş kapitanı Pikeni xəyanətinə görə tərk edib.
