Rusiya Prezidenti Vladimir Putin İran Prezidenti vəzifəsini icra edən Məhəmməd Moxberlə telefon danışığı aparıb.

Publika.az xəbər verir ki, bu barədə Kremlin mətbuat xidməti məlumat yayıb.

M.Moxber rusiyalı həmkarına ölkə prezidenti İbrahim Rəisinin faciəvi ölümündən sonra İran üçün çətin dövrdə göstərdiyi dəstəyə görə təşəkkür edib.

Söhbət zamanı Rusiya Federasiyası və İran İslam Respublikasının prezidentləri də ölkələr arasında əməkdaşlığın daha da inkişaf etdirilməsində maraqlı olduqlarını bildiriblər. Tərəflər həmçinin beynəlxalq arenada qarşılıqlı fəaliyyət, o cümlədən Rusiyanın BRİKS assosiasiyasında sədrliyi məsələlərinə də toxunublar.

“Hər iki tərəf Rusiya-İran əməkdaşlığının gələcək inkişafında, o cümlədən enerji və nəqliyyat sahələrində perspektivli birgə layihələrin həyata keçirilməsində maraqlı olduqlarını bildiriblər”, - Kremlin bəyanatında deyilir.

Hüseyn İbadlı