4 mart 2025-ci il tarixində, Azərbaycan Respublikası Daxili İşlər Nazirliyi Bakı Şəhər Baş Polis İdarəsi İctimai Təhlükəsizlik İdarəsinin rəhbəri və Binəqədi Rayon 4-cü Polis Bölməsinin əməkdaşları ilə birgə "Azərbaycan Uşaqları" İctimai Birliyinə ziyarət təşkil edilib. Ziyarətin əsas məqsədi, təşkilatın nəzdində fəaliyyət göstərən uşaq sığınacağının vəziyyəti ilə tanış olmaq və ekstremal hallarda sığınacaq müraciətlərinə dərhal reaksiya vermək üçün monitorinq aparmaqdır.

QÜTB.AZ xəbər verir ki, ziyarətdə, İctimai Təhlükəsizlik İdarəsinin əməkdaşları və 4-cü Polis Bölməsinin əməkdaşları, uşaq sığınacağının fəaliyyətini yaxından izləyərək, real vəziyyətə uyğun tədbirlər görməyə hazır olduqlarını bildiriblər. Bu təşəbbüsün, uşaqların təhlükəsizliyinin və rifahının təmin edilməsində mühüm rol oynayacağı vurğulanıb.

Ziyarət iştirakçıları, göstərilən diqqət və qayğıya görə Daxili İşlər Nazirliyi və Bakı Şəhər Baş Polis İdarəsinin rəhbərliyinə, xüsusilə Daxili İşlər Naziri Vilayət Eyvazova, İctimai Təhlükəsizlik İdarəsinin rəisi, şöbə rəisi polis polkovniki İbrahim İsmayılova, eləcə də Kəmalə Ələkbərovaya dərin təşəkkürlərini bildiriblər.