ABŞ-ın keçmiş prezidenti Donald Trampın işi üzrə məhkəmənin qərarı siyasi təqibdir, çünki rəqibləri onun vəzifəyə qayıtmasından qorxurlar.

Publika.az xəbər verir ki, bu sözləri ABŞ prezidentliyə namizəd Donald Trampın kiçik oğlu deyib.

"Bu, siyasi təqibdir, saf və sadədir. Onlar Trampı dayandırmaq üçün hər şeyi edəcəklər", - o, amerikalı jurnalist Taker Karlsona müsahibəsində bildirib.

O, həmçinin əlavə edib ki, atası siyasətdə bu illər ərzində daha təcrübəli olub, ona görə də ikinci müddətə namizəd olmaq “bir çox cəhətdən əla ideyadır”. Onun sözlərinə görə, məhkəmənin belə hökmü Donald Trampın seçki kampaniyasını davam etdirmək qərarına təsir etməyəcək.

Qeyd edək ki, qubernator da daha əvvəl qeyd etmişdi ki, ABŞ-ın keçmiş prezidenti Donald Trampa qarşı biznes sənədlərinin saxtalaşdırılması işi siyasi gündəmə əsaslanır. Onun sözlərinə görə, təqsirləndirilən şəxs eks-prezident olmasaydı, heç vaxt ştatlarda belə bir iş açılmazdı.

Xatırladaq ki, 30 mart 2023-cü ildə Manhettendə böyük münsiflər heyəti Donald Trampı 2016-cı il prezident seçkilərindən əvvəl aktrisa Stormi Danielsə pul ödəməsi ilə bağlı qalmaqalda ittiham edib. Bu, tarixdə ilk dəfədir ki, ABŞ-ın keçmiş və ya indiki prezidentinə qarşı cinayət işi açılır.

Adəm Abbaslı