9-11 avqust tarixlərində Lənkəran şəhərində Qeyri - Hökumət Təşkilatlarına Dövlət Dəstəyi Agentliyinin maliyyə dəstəyi , "Qayğı" Uşaq Hüquqlarının Müdafiəsinə Yardım İctimai birliyinin təşkilatçılığı ilə "Təlimçilər üçün olan Təlim" formatı çərçivəsində "Qohum nikahları əleyhinə maarifləndirmə" adlı sosial-aktual layihə keçirilmişdir.

Kifayət qədər gündəmdə olan və öz aktuallığını qoruyub saxlayan bu layihədə ölkəmizdə kifayət qədər geniş yayılmış qohum evliliyinin fəsadları və yarada biləcəyi problemlərin ətrafında ölkə gəncləri arasında ətraflı fikir mübadiləsi aparılmışdır.

Layihədə Respublikanın müxtəlif regionlarından olan gənclər iştirak etmişdir. Layihənin məqsədi gənclər arasında maarifləndirmə aparmaq və həmçinin gənclərin qayıtdıqdan sonra öz regionlarında mənimsədiyi bilikləri region gəncləri ilə təlim və ya qrup müzakirələri formasında paylaşmasıdır.

Cəmiyyətimizdə vətəndaşlar arasında ictimai iştirakçılığın artması, vətəndaş mövqeyinin güclənməsi və s. müstəqil yanaşmalar sağlam gəncliyimiz və gələcəyimiz üçün böyük təhlükə doğuran "Qohum nikahlarının",bu nikahların yaradacağı problemlərin qarşısının alınmasında mühüm rol oynayır.

Bir daha unutmayaq ki,

 "Sağlam gələcək, bizimlə gələcək"!