"FlightRadar24" dekabrın 25-də Qazaxıstanın Aktau şəhəri yaxınlığında qəzaya uğrayan AZAL-a məxsus Bakı-Qroznı aviareysini həyata keçirən sərnişin təyyarəsinin uçuşunun radarda görünməyən hissəsini dərc edib.
QÜTB.AZ xəbər verir ki, bu barədə "FlightRadar24"nun rəsmi saytında yerləşdirilən məlumata görə, "J28243" reysi ilə Bakıdan Qroznıya uçan təyyarə Bakı vaxtı ilə saat 03:55-də yola düşüb. Uçuş zamanı məlumatlar 04:25-ə qədər qəbul edilib. Lakin daha sonra təxmini 10 dəqiqə ərzində mövqe məlumatlarının göndərilməsi dayandırılıb. 04:40-dan 05:03-ə qədər təyyarədən məlumat əldə etmək mümkün olmayıb. və 05:04-dən 05:13-ə qədər ikinci boşluq yaranıb və 06:07-dək təyyarədən alınan bütün məlumatlarda mövqe məlumatı olmayıb.
