Gürcüstanın Dövlət Təhlükəsizlik Xidməti (DTX) cümə günü ölkə prezidentinin rəsmi saytına kiberhücumun qarşısını aldığını bildirib.
Publika.az xəbər verir ki, bu barədə Dövlət Təhlükəsizliyi Xidmətinin saytında məlumat verilib.
“Gürcüstan prezidentinin rəsmi saytı cümə günü kiberhücuma məruz qalıb və bir neçə saat ərzində fəaliyyət göstərməyib.
Görülən təxirəsalınmaz tədbirlər nəticəsində sözügedən kiberhücumun qarşısı alınıb, Prezident Administrasiyasının saytı adi rejimdə işləyir”, - məlumatda bildirilir.
Açıqlamada həmçinin qeyd olunub ki, kiberhücumun səbəbkarlarının müəyyənləşdirilməsi istiqamətində iş aparılır.
