Rusiya prezidenti Vladimir Putin hökumətə 2024-cü ildə əhalinin real gəlirlərinin artırılmasına xüsusi diqqət yetirməyi tapşırıb.

Publika.az xəbər verir ki, müvafiq göstəriş Kremlin saytında dərc olunub.

“Vətəndaşların real gəlirlərinin artırılması təmin edilsin”, - sərəncamda deyilir.

Sənəddə aztəminatlı vətəndaşlara xüsusi diqqət yetirilməsi tapşırılıb, ümumilikdə sərəncam yoxsulluğun azaldılmasına yönəlib. Qeyd olunub ki, Rusiya hökuməti regional hakimiyyət orqanları və Mərkəzi Bankla birlikdə 2030-cu ilə qədər olan dövr üçün aztəminatlı ailələrin rifahının yaxşılaşdırılmasına və milli təhlükəsizliyin təmin edilməsinə xüsusi diqqət yetirməlidir.

Sərəncamda ölkənin maliyyə, iqtisadi və texnoloji suverenliyinin möhkəmləndirilməsi məsələsinə də toxunulub. Putin Nazirlər Kabinetinə və Rusiya Mərkəzi Bankına beynəlxalq ödənişlərin inkişafına diqqət ayırmağı tapşırıb.

Aytən