"Respublikaçı Donald Tramp ABŞ-da keçirilən prezident seçkilərində qalib gələndən sonra Macarıstanın təcrid dövrü başa çatıb".

QÜTB.AZ xəbər verir ki, bunu Macarıstanın baş naziri Viktor Orban milli telekanal TV2-də çıxış edərkən deyib.

"Trampın qələbəsi ilə Macarıstanın təcridinə son qoyuldu. Biz tək deyilik, bütün Amerika bizimlədir", - deyə Orban bildirib .

Macarıstan rəhbəri onu da vurğulayıb ki, Trampın zəfərli qələbəsindən sonra Ukraynada “sülhə doğru sıçrayış etdik”.

Viktor Orban, Trampın 2025-ci il yanvarın 10-da rəsmi olaraq ABŞ prezidenti vəzifəsinə başlamasından sonra Macarıstan iqtisadiyyatını nələrin gözləyə biləcəyini qısaca təsvir edib. O deyib ki, ilk növbədə, Macarıstanla ikiqat vergitutma qadağasını bərpa etmək mümkün olacaq və altı ay ərzində Aİ enerji qiymətlərinin aşağı salınması ilə bağlı qərarlar qəbul etməlidir.

Bundan öncə Macarıstanın baş naziri "Kossuth" radiostansiyasında çıxışı zamanı Donald Trampın prezident postuna gəlməsindən sonra Ukraynadakı münaqişədən çıxacağını bildirib.

Hüseyn İbadlı