ABŞ Müdafiə Nazirliyi Çin ordusu ilə işlədiyini iddia etdiyi şirkətlərin yeni siyahısını dərc edib.
Publika.az xəbər verir ki, ABŞ Müdafiə Nazirliyi (Pentaqon) Çin ordusu ilə işlədiyi iddia edilən siyahıya 10-dan çox yeni şirkət əlavə edərək yeniləyib.
Pentaqonun internet saytında dərc edilən yeni siyahıya çip istehsalçısı YMTC, süni intellekt şirkəti Megvii, LIDAR istehsalçısı Hesai və texnologiya şirkəti NetPosa kimi yeni şirkətlər əlavə edilib.
ABŞ Müdafiə Nazirliyinə bu şirkətlərlə ABŞ-da 2024-cü il Müdafiə Səlahiyyəti Aktı çərçivəsində müəyyən edilmiş hər hansı müqavilələr imzalamaq qadağandır.
Amerika mətbuatında ABŞ Maliyyə Nazirliyinin növbəti mərhələdə sanksiya siyahısına sala biləcəyi bu şirkətlərin nüfuzunu itirə biləcəyi qeyd edilib.
Roza Şəfiyeva
