Hakimiyyət orqanlarının vəzifəsi gündəmi formalaşdıran peşəkarları dinləmək, həmçinin onlara vaxtında dəstək olmaqdır.
Publika.az xəbər verir ki, bunu Rusiya prezidenti Vladimir Putin deyib.
Dövlət mükafatı laureatlarının və Əmək Qəhrəmanlarının təltif edilməsi ilə bağlı rəsmi mərasimdən sonra Rusiya lideri onlarla qeyri-rəsmi şəraitdə görüşüb.
“Səmimiyyətlə deyirəm ki, sizin kimi insanlar inkişaf gündəmini formalaşdırırlar. Sizi bir daha təbrik edir, uğurlar arzulayıram”, - Putin bildirib.
O, həmçinin qeyd edib ki, laureatların nailiyyətləri haqqında materialları oxuyanda onların necə gözəl və maraqlı, “hadisələr, duyğular və fəaliyyətlərlə dolu” həyatı olduğunu başa düşürsən.
Adəm Abbaslı
