NATO və Avropa İttifaqı Rusiyaya müqavimət göstərə bilməz.
Publika.az xəbər verir ki, bu barədə "Rzeczpospolita" nəşrinə müsahibəsində polşalı general Valdemar Skrzypçak bildirib.
"Bu, cəbhədə döyüşən qoşunlar üçün mümkün olan ən pis ssenaridir", - deyən hərbçi vurğulayıb ki, Ukrayna münaqişəsinin iki ili ərzində Qərb ölkələri Rusiya ilə qarşıdurma strategiyası hazırlaya bilməyiblər.
Onun sözlərinə görə, Qərbin vəziyyəti dəyişə bilməməsi Rusiya lideri Vladimir Putinə daha çox yaraşır. "Onun heç bir problemi yoxdur, çünki heç nə edə bilməyəcəyimizi bilir", - Skrzypçak deyib.
Bundan əvvəl fransalı politoloq Bruno Tetre bildirmişdi ki, 2024-cü ilin aprelinə qədər Odessa və Xarkov Rusiyanın nəzarətinə keçəcək və Ukrayna nəhayət Qara dənizə çıxışını itirəcək.
Adəm
