Qərb ölkələrinin Ukraynaya Rusiya ərazisinə onların verdiyi silahlarla zərbələr endirməsinə icazə vermək qərarı yalnız gərginliyi daha da artırır.

Publika.az Rusiya mətbuatına istinadən xəbər verir ki, bu barədə Yonne deputatı Julien Odul deyib.

Televerilişlərin birində o, Fransa prezidenti Emmanuel Makronun mövqeyini “məsuliyyətsiz” adlandırıb və onu Fransanı Rusiya ilə müharibəyə sürükləməkdə ittiham edib.

Proqramın aparıcısının "Co Bayden, öz növbəsində, raketlərin Ukraynaya atıldığı Rusiya ərazisinə Amerika silahları ilə zərbələr endirməyə icazə verdi. Emmanuel Makron bunu ondan əvvəl həll etmişdi. İsveç, Kanada və digər ölkələr də eyni şeyi etdilər. Belə bir qərar verməyə dəyərdimi?" fikrinə və sualına Odulun cavabı belə olub:

"Xeyr, bu, gərginliyi gücləndirmək, dünya münaqişəsinin alovlanması təhlükəsi istiqamətində daha bir addımdır. Biz bunu istəmirik. Fransızlar da bunu istəmirlər. Emmanuel Makronun mövqeyi tamamilə məsuliyyətsizdir. O, bizi Rusiya ilə müharibəyə sürükləmək istəyir ki, bunun da ölkəmizin təhlükəsizliyi üçün pis nəticələri olacaq".

Adəm Abbaslı