Rusiyanın xarici işlər naziri Sergey Lavrov ABŞ Prezidenti Co Baydenə yazığı gəldiyi deyib.
QUTB.AZ xəbər verir ki, o, bu barədə “Rossiya 1” telekanalında yayımlanan “Moskva.Kreml.Putin” prqramında qonaq olarkən deyib.
Rusiya Xarici İşlər Nazirliyinin rəhbəri Amerika prezidentinin ABŞ-ın ukraynalıların Moskva və ya Kremlə hücum etməsinə icazə verməməsi ilə bağlı bəyanatını belə şərh edib.
Lavrov ABŞ prezidentinin davranışını şərh etmək məcburiyyətində qalanda diskomfort hiss etdiyini vurğulayıb.
“Sadəcə insana yazığım gəlir. Sırf insani səbəblərdən onun başında düşüncələrin necə yarandığını, hərəkətlərin necə əmələ gəldiyini başa düşmək çətindir”, - Lavrov bildirib.
İyunun 6-da Kremlin sözçüsü Dmitri Peskov bildirib ki, ABŞ Prezidenti Co Baydenin Rusiya lideri Vladimir Putinə qarşı təhqiramiz ifadələri yalnız onun öz reputasiyasına xələl gətirir.
