İsveçrə millisi İtaliya nümayəndələrinin 1/8 finalda baş tutacaq qarşılaşma öncəsi onların məşqinə baxa bilməmələri üçün Ştutqartda yerləşən 217 metrlik televiziya qülləsinin müşahidə göyərtəsini bağlamağı xahiş edib.
Publika.az xəbər verir ki, bu barədə “Sky Sport Italia” məlumat yayıb. Mənbənin sözlərinə görə, bu müşahidə meydançasından İsveçrə millisinin təlim-məşq bazası aydın görünür.
İsveçrə millisi italyanların onların taktiki planlarını öyrənə biləcəyindən ehtiyat edir.
Xatırladaq ki, İsveçrə – İtaliya matçı iyunun 29-da keçiriləcək. Oyun Berlindəki Olimpiya Stadionunda baş tutacaq. Oyun Bakı vaxtı ilə saat 20:00-da başlayacaq.
