Məşhur müğənni və aktrisa Hülya Avşar zənginliyin insan üçün zərərli olduğunu düşünür.
Publika.az Türkiyə mediasına istinadən xəbər verir ki, kino ulduzunun sözlərinə görə, insan özünə və ailəsinə yetə biləcək qədər pul qazanmalıdır.
"Sakitlik ən önəmlisidir. 3 qəpiyin olsun, amma huzurun və ailən yanında olsun. Çox zənginliyin insana zərər verdiyini düşünürəm. Ailən və yaşaya bildiyin qədər pulun olması yetərlidir. Ailə çox önəmlidir. Xoşbəxtlik budur", - Hülya açıqlamasında bildirib.
Xatırladaq ki, bundan əvvəl, Türkiyə mətbuatında "Hülya Avşarın dodaq uçuqladan var-dövləti" başlıqlı yazılar da yer alıb. Həmin yazılarda Hülya Avşarın bütün var-dövlətinin dəyərinin 30 milyard olduğu qeyd olunur.
