Küveyt hökuməti sağlamlıq səbəbi ilə paytaxtdakı qəbiristanlıqlarda əl sıxmağı qadağan etməyi planlaşdırır.

Publika.az xəbər verir ki, ölkənin Səhiyyə Nazirliyi qəbiristanlıqlarda yas tutan insanları başsağlığı verərkən əl sıxmağı dayandırmağa və göz salamı ilə kifayətlənməyə çağırıb. Məlumatı "Küveyt" qəzeti yayıb.

Küveyt Bələdiyyəsinin baş direktoru Səud Əl Dabud mövzu ilə bağlı verdiyi açıqlamada "Səhiyyə Nazirliyinin tələbi ilə dəfn mərasimlərində əl sıxmağın qadağan ediləcəyinə dair bir qərar var. Qərar yaxın günlərdə yayımlanacaq" deyib.

Xalq sağlamlığı üzrə mütəxəssis Dr. Əhməd Əl Uteibi Küveytdə yeni virus infeksiyasının olmadığını bildirib:

"Yeni xəstəliyə yoluxma ilə bağlı məlumat yoxdur. Səhiyyə Nazirliyinin bələdiyyəyə göndərdiyi qayda yalnız profilaktik tədbirlərin görülməsi ilə bağlıdır".

Roza Şəfiyeva