Qəzza zolağında "Al Şifa" xəstəxanasında təşkil olunan reyd zamanı HƏMAS-ın daxili təhlükəsizlik idarəsinin rəhbəri Faiq Məbhux öldürülüb.
Publika.az xəbər verir ki, bu barədə İsrail Müdafiə Qüvvələri məlumat yayıb.
Məlumatda Məbhuxun xəstəxanada gizləndiyi və silahlı olduğu, qonşu otaqda isə çox sayda silahın aşkarlandığı qeyd olunub.
Qeyd edək ki, artıq HƏMAS hərəkatı Faiq Məbhuxun ölüm faktını təsdiqləyib. Bu barədə müvafiq bəyanatı hərəkatın rəsmi nümayəndəsi İzzət ər-Rişq "Telegram" kanalında yayıb.
