Avqustun 12-də Ermənistanın Qeqarkuniks rayonunun Eranos kəndində baş vermiş zəlzələ dağıntılara səbəb olub.
QÜTB.AZ xəbər verir ki, zəlzələ nəticəsində təkcə köhnə tikililər deyil, yeni inşa olunmuş bəzi binaların divarları uçub, bəzilərində isə çatlar əmələ gəlib.
Hazırda hökumət komissiyası ərazidə vəziyyəti öyrənir, qiymətləndirmə aparılır.
Qeyd edək ki, avqustun 12-də gecə saatlarında Ermənistanda 4,2 bal gücündə zəlzələ baş verib. Episentrdə zəlzələnin gücü 6 bal olub.
