Daha əvvəl iki fərqli cəhdlə “Ginnesin Rekordlar Kitabı”na düşən türkiyəli Ümit Sabancı yeni rekorda imza atıb.
Publika.az xəbər verir ki, o, elektriklə işləyən avtomobil vasitəsilə akkumulyatorun bir dəfə doldurulması ilə 9 fərqli ölkəni gəzərək rekord qırıb.
Daha əvvəl Sabancı 2017-ci ildə 24 saatda 13 ölkəni gəzərək "Ginnesin Rekordlar Kitabı"na düşüb.
O, daha sonra 2022-ci ildə sərnişin təyyarələri ilə dünyanı 46 saat 23 dəqiqəyə gəzərək rekord qırıb.
Sabancı bu dəfə elektriklə işləyən avtomobili ilə sırayla Niderland, Belçika, Lüksemburq, Almaniya, Fransa, İsveçrə, Avstriya, Lixtenşteyn və İtaliya olmaqla 9 ölkənin sərhədini keçib.
808 kilometr məsafəni əhatə edən səyahətin birinci mərhələsi İtaliyada təxminən cəmi 20 saat ərzində tamamlanıb.
Roza Şəfiyeva
