Erməni Qızıl Xaç Cəmiyyətinin (QXC) ofisindən 145 min dollardan çox pul oğurlanıb.
Publika.az “Sputnik-Armenia”ya istinadən xəbər verir ki, bu barədə QXC-nin vəkili Levon Baqdasaryan məlumat verib.
Bildirilib ki, Ermənistan QXC-nin vəkili Levon Baqdasaryan hüquq-mühafizə orqanlarına 60 milyon dramdan (145 min dollar) çox pul itkisi, vacib sənədlər, habelə təşkilatın avtomobilindən qanunsuz istifadə barədə məlumat verib.
Vəkil bildirib ki, onlar cinayətlə bağlı hüquq-mühafizə orqanlarına 10-dan çox məlumat təqdim ediblər, lakin hələlik heç bir cavab verilməyib.
