İsveçrədə Ukrayna üzrə keçirilməsi planlaşdırılan konfransda 90 dövlət və təşkilat nümayəndəsi iştirak edəcək. Onların təxminən yarısı Avropadan olacaq.

Publika.az xəbər verir ki, bu barədə İsveçrə hökumətinin saytında yerləşdirilən məlumatda deyilir.

“Hazırda 90 dövlət və təşkilat konfransda iştirak etmək üçün qeydiyyatdan keçib”, - mətndə deyilir. Hökumətin vurğuladığı kimi, nümayəndə heyətlərinin təxminən yarısı Avropadan gələcək.

İsveçrə rəsmilərinin bəyanatına görə, iştirakçılar nüvə və ərzaq təhlükəsizliyi məsələlərini, humanitar məsələləri müzakirə edəcək, daha sonra yekun bəyanat hazırlayacaqlar.

Xatırladaq ki, iyunun 15-16-da İsveçrədə Ukrayna üzrə “Sülh Sammiti” keçiriləcək. Daha əvvəl Rusiyanın sammitə dəvət olunmadığı qeyd edilmişdi. Bunun fonunda bir sıra qeyri-Qərb ölkələri, o cümlədən Çin sammitdə iştirakdan imtina edərək, Moskvasız sülhə nail olmağın mümkün olmadığını vurğulamışdılar. Bundan başqa, ABŞ prezidenti Co Bayden də iş qrafikinin sıx olduğunu əsas gətirərək sammitə gəlməkdən imtina edib.

Adəm Abbaslı