Təxminən 10 il əvvəl Ağ Evdə 52 yaşlı Barak Obama var idi. O zaman Çin prezidenti Si Cinpin və Rusiya prezidenti Vladimir Putinin 60 yaşları tamam olmuşdu.
Publika.az xəbər verir ki, “Wall Street Journal”ı “Yaşlı liderlər dünyanı idarə edir" başlıqlı xəbərində son illərdə dünyada 70 və yuxarı yaşda olan liderlərin sayının artmasına diqqət çəkilib.
10 il əvvəl dünyanın ən sıx məskunlaşdığı 10 ölkədən yalnız birinin - Hindistanın 70 yaşdan yuxarı lideri var idi. Fevral ayından etibarən dünya əhalisinin ən azı yarısı 70-80 yaşlarında olan liderlər tərəfindən idarə olunmağa başlayıb.
Kamerun
Müvafiq olaraq, dünyanın ən yaşlı lideri 91 yaşı olan Kamerun prezidenti Paul Biyadır. 1982-ci ildən bu vəzifədə olan Biya Afrikanın ən uzun ömür sürən lideridir.
Səudiyyə Ərəbistan
88 yaşlı kralı Salman bin Əbdüləziz Əl Səud 2015-ci ildən bəri Səudiyyə Ərəbistanda taxtdadır.
ABŞ
81 yaşlı ABŞ prezidenti Co Bayden 2020-ci ildə vəzifəyə gələndə ölkənin ən yaşlı prezidenti olub. O, noyabrda yenidən prezidentlik yarışına girməyə qərar verib
Braziliya
2022-ci il oktyabrın sonunda Braziliyada keçirilən seçkilərdə Luiz İnasio Lula da Silva 11 ildən sonra yenidən prezident seçilib. 78 yaşlı Lula ifrat sağçı rəqibi Jair Bolsonaronu məğlub edərək üçüncü dəfə lider olub.
Banqladeş
76 yaşlı baş naziri Şeyx Hasina yanvar ayında keçirilən seçkilərdə 5-ci dəfə vəzifəsinin icrasına başlayıb.
Hindistan
73 yaşlı baş naziri Narendra Modi 2014-cü ildən vəzifədədir.
Pakistan
Yeni baş nazir Şahbaz Şərif martın əvvəlində and içib. 72 yaşlı Şərif 2022-2023-cü illərdə Pakistan prezidenti olub və 2023-cü ilin avqustuna qədər ölkəni idarə edib.
İndoneziya
Fevral ayında keçirilən seçkilərdə qeyri-rəsmi nəticələrə görə, ölkənin keçmiş müdafiə naziri Prabovo Subianto İndoneziya prezidenti seçilib. Beləliklə, 72 yaşlı Subianto İndoneziyanın yeni lideri olmağa hazırlaşır.
Rusiya
Oktyabrda 71 yaşı tamam olan Rusiya prezidenti Vladimir Putin 2012-ci ildən bu vəzifəni icra edir. Martın 15-17-də keçiriləcək seçkilərdə onun yenidən prezident seçiləcəyinə kimsə şübhə etmir.
Nigeriya
71 yaşlı prezident Bola Əhməd Tinubu keçən il keçirilən seçkilərlə vəzifəsinin icrasına başlayıb.
Çin
70 yaşlı Çin prezidenti Si Cinpin 2012-ci ildən ölkənin rəhbəridir.
Aysel Şahmar
