Qlobal böhran səbəbindən Türkiyədə iflasa uğrayan şirkətlərin siyahısına yenisi əlavə edilib.
Publika.az xəbər verir ki, 1997-ci ildə İzmir və Dənizlidə yerləşən 99 tekstil şirkəti tərəfindən birgə xarici ticarət məqsədilə qurulan “EGS Giyim Sanayi ve Dış Ticaret Anonim Şirketi” iflas elan edib.
İlk yarandığı zamanlar şirkətin sürətli inkişafı bütün dünyada səs-küy yaradıb və bir müddət Harvard Universitetində mühazirə və tezislərin mövzusu olub.
1997-ci ildə Kemal Zorlu, Hüseyn Özdilek, Necip Kalkan, Ali İhsan Kasapoğlu da daxil olmaqla, bir çox iş adamı tərəfindən qurulan "EGS Holding" bu ad altında bank sektoruna daxil olub. Lakin 2001-ci ildə böhrandan təsirlənib və maliyyə problemləri yaşayıb.
Roza Şəfiyeva
