Avropa Komissiyasının (AK) sədri Ursula von der Leyen yenidən seçilərsə, Avropa İttifaqının (Aİ) müdafiə üzrə komissarı postunu yaradacaq və bu vəzifəyə Polşanın xarici işlər naziri Radoslav Sikorskini təyin edə bilər.

Publika.az xəbər verir ki, bu barədə "Politico" yazıb.

“Avropa Komissiyasının sədri Ursula von der Leyen bazar günü keçirilən seçkilərdən sonra Aİ icra hakimiyyətinin başçısı postunda ikinci müddətə qalib gələrsə, bu postu yaradacağını söylədi”, - məlumatda qeyd olunur.

Bu fikir səs-küyə səbəb olub. Nəşrlə söhbətində Latviyanın müdafiə naziri Andris Spruds bildirib ki, Sikorskinin bu vəzifəyə təyin edilməsi “məntiqlidir”, çünki onun ölkəsi təhlükənin olduğu iddia edilən Rusiya ilə həmsərhəddir. Sprudes deyib ki, Rusiyaya yaxın ölkələr çoxlu mükəmməl namizədlər təqdim edir.

Sikorski ilə yanaşı, Aİ diplomatik dairələri də Estoniyanın baş naziri Kaja Kallas, Rumıniya prezidenti Klaus İohannis və Litvanın xarici işlər naziri Qabrielius Landsbergis kimi namizədləri nəzərdən keçirir.

Xatırladaq ki, Aİ-nin müdafiə üzrə Avropa komissarı postunu yarada biləcəyi faktı hələ fevral ayında məlum olub. Daha sonra Vyanada hərbi təhlükəsizlik və silahlara nəzarət üzrə danışıqlarda Rusiya nümayəndə heyətinin rəhbəri Konstantin Qavrilov bu barədə açıqlama verərək, komissarın Ukraynaya da “nəzarət edəcəyini” bildirib.

Adəm Abbaslı