Böyük Britaniya İsrailə bəzi silahların satışını dayandırıb.
QÜTB.AZ xəbər verir ki, bu barədə Britaniyanın xarici işlər naziri Devid Lammi Parlamentin İcmalar Palatasında çıxışında deyib.
O bildirib ki, qərar Böyük Britaniyanın silah ixracı lisenziyalarının nəzərdən keçirilməsindən sonra verilib və bu lisenziyaların beynəlxalq humanitar hüququn ciddi şəkildə pozulması riski yaratması müəyyən edilib.
Nazir təxminən 350 lisenziyadan 30-nun dayandırılacağını açıqlayıb. O, eyni zamanda vurğulayıb ki, bu, ümumi qadağa və ya silah embarqosu deyil.
Qeyd edək ki, Böyük Britaniya İsrailə birbaşa silah tədarük etmir, lakin yerli şirkətlərin silah satması üçün ixrac lisenziyaları verir.
