Birləşmiş Millətlər Təşkilatı (BMT) münaqişənin ilk aylarında İsrail və Fələstinin Həmas hərəkatının törətdiyi hərbi cinayətləri araşdırır.
Publika.az xəbər verir ki, bu barədə BMT-nin işğal olunmuş Fələstin ərazisi üzrə Müstəqil Beynəlxalq Araşdırma Komissiyasının hesabatında deyilir.
Araşdırma zamanı məlum olub ki, İsrail Müdafiə Qüvvələri (IDF) Qəzza zolağında keçirdiyi hərbi əməliyyat zamanı insanlığa qarşı cinayətlər törədib. Bundan başqa, HƏMAS-ın hərbi cinayətləri də üzə çıxıb.
Təşkilatın hesabatında “Bəşəriyyətə qarşı cinayətlər, o cümlədən fələstinli kişi və oğlanların məhv edilməsi, cinsi təqib, qətl, məcburi köçkünlük, işgəncə, qeyri-insani və qəddar rəftar kimi cinayətlər törədilib”, - deyə qeyd olunub.
Vazeh BƏHRAMOĞLU
