Rusiya Xarici İşlər Nazirliyinin sözçüsü Mariya Zaxarova Ermənistanı Kollektiv Təhlükəsizlik Müqaviləsi Təşkilatına ( KTMT ) üzvlüklə bağlı “sonsuz hay-küy”ə son qoymağa çağırıb.
Publika.az xəbər verir ki, onun sözlərinə TASS istinadla məlumat yayıb.
“KTMT hər kəsin könüllü gəldiyi strukturdur. İştirakçı ölkələrə komanda-inzibati təzyiq sistemi yoxdur. Orada qarşılıqlı hörmətə əsaslanan dialoq var. Heç kim heç kimi zorla saxlamır. Niyə eyni Ermənistandakı siyasi xadimlər bu qədər illərdir bu mövzuda bu qədər spekulyasiya edirlər?” - diplomat deyib.
O, həmçinin erməni siyasətçiləri “özləri ilə məşğul olmağa” çağırıb.
"Niyə bu barədə sonsuz hay-küy salırsınız?" - o sual verib.
Zaxarova bəyan edib ki, Rusiya tərəfi həmişə Ermənistanla dost olacaq.
Xatırladaq ki, iyunun 12-də Ermənistanın baş naziri Nikol Paşinyan Ermənistanın KTMT-dən çıxmaq planlarını açıqlayıb. Eyni zamanda o, bu beynəlxalq strukturu “köpük ittifaqı” adlandırıb.
Hüseyn İbadlı
