ABŞ-da aylardır müzakirə edilən TikTok qanunu ABŞ prezidenti Co Bayden tərəfindən imzalanıb.
Publika.az xəbər verir ki, 150 milyon amerikalının istifadə etdiyi sosial media platformasının ABŞ-dakı gələcəyi sual altındadır.
ABŞ prezident Co Bayden bu şirkətin 9 ay ərzində Amerika şirkətinə satılmasını tələb edən qanunu imzalayıb.
Çin şirkəti bu satışa razı olmasa, TikTok-un ABŞ-da yüklənməsi bloklanacaq. Tətbiq satış mağazalarından silinəcək və heç bir yeniləmə yayımlanmayacaq.
Vaşinqton siyasətində, xüsusən də Respublikaçılar arasında TikTok ilə bağlı şübhələr var. Digər şübhə isə Çinin TikTok vasitəsilə ABŞ prezident seçkilərinə təsir edəcəyi ilə bağlı narahatlıqdır.
Bu səbəbdən qanuna 100 yerlik Senatda 81 senator “hə” deyib.
Aysel Şahmar
