Konsert üçün yenidən Bakıya gələn müğənni Sertab Erener Avroviziya ilə bağlı açıqlama verib.

QÜTB.AZ xəbər verir ki, ulduz “Azərbaycan sizə Avroviziya üçün təklif göndərsə, yenidən gedərsinizmi” sualını cavablandırıb:

“Mən növbəmi keçmişəm. Hazırlıq prosesi stressli və çətindir. Təbii ki, Azərbaycan məni çağırsa, şükür və təşəkkür edərəm. Bunu gənc nəsillərə ötürək. Ümid edirəm, çox yaxşı sənətçilər müsabiqəyə gedərlər və birinci olarlar. Onsuz da tarixinizdə də qalibiyyət var. İndi ağlıma bir ad gəlmədi. Lakim istedadlı müğənnilər var. Hər kəs ola bilər”.

Sertab pop ulduz Edisin ölkəmiz adından Avroviziyaya getmək istəyindən də söz açıb:

“Eşitməmişəm. Amma getsin, nə gözəl! Mahnı önəmlidir. Mahnı da yaxşı olmalıdır. Amma Edis onsuz da yaxşıdır”.

S. Erener Türkiyənin yenidən Avroviziya səhnəsinə qayıtmağını istədiyini deyib:

“Əlbəttə istəyərəm. Avroviziyadan çəkilmək yanlış qərardır. İllərdir ediıən möhtəşəm ənənədir. Artıq Avropanı da keçdi, bütün dünya izləyir. Şirim bir oyundur. Ənənədir. Orada olmalıyıq. Musiqi yaratdıqca, olar. Sənətin içində olmaq lazımdır”. (OLAY)