5 dekabr 2024-cü ildə Bakı vaxtı ilə saat 21:00-da Mayamidə (Florida, ABŞ) 2025-ci ildə keçiriləcək Klublararası Dünya Çempionatının püşkatma mərasimi keçiriləcək.

QÜTB.AZ xəbər verir ki, püşkatmadan əvvəl 32 komanda hər biri 8 komandadan ibarət 4 səbətə bölünüb.

Səbət 1: Avropanın dörd ən yüksək reytinqli komandası ilə Cənubi Amerikanın dörd ən yüksək reytinqli komandasından ibarətdir.

Səbət 2: Avropadan qalan 8 komandadan ibarətdir.

Səbət 3: müvafiq olaraq Asiya, Afrika və KONKAKAF zonasının ən yüksək reytinqli iki komandası, eləcə də Cənubi Amerikanın qalan iki klubundan ibarətdir.

Səbət 4: müvafiq olaraq Asiya, Afrika və CONCACAF-dan qalan iki komandadan, həmçinin Okeaniyadan olan bir nümayəndədən və ev sahibi ölkəni təmsil edən “İnter Mayami”dən ibarətdir.

Püşkatma zamanı prinsip tətbiq olunacaq – heç bir qrupa eyni konfederasiyadan birdən artıq komanda daxil edilə bilməz. Bu, turnirdə 12 klubla təmsil olunacaq Avropa zonası (UEFA) istisna olmaqla, bütün konfederasiyalara aiddir. 8 qrupdan dördündə iki Avropa klubu çıxış edəcək. Eyni assosiasiya ölkəsinin klubları eyni qrupa daxil edilə bilməz.

ABŞ-ın iki klubu, “İnter Mayami” və “Seetl Saunders” avtomatik olaraq A və B qruplarında dördüncü yerdə yer alacaq. “İnter Mayami” turnirin ilk oyununu Mayamidəki Hard Rock Stadiumunda keçirəcək.

2025-ci il Klublararası Dünya Çempionatı 2025-ci il iyunun 15-dən iyulun 13-dək ABŞ-ın 11 şəhərində 12 arenada keçiriləcək.