Azərbaycan sərhədçiləri Tavuşun Kirants kəndində yerləşən yolun ərazisinə gəliblər.

Publika.az xəbər verir ki, bu barədə Kirantsın qonşuluğunda yerləşən Açarkut kəndinin sakini Karen Qazaryan öz "Facebook" səhifəsində yazıb.

“Azərbaycan hərbçisi artıq Kirantsın içindədir, onların səsi Açarkuta gedən dolama yoldan eşidilir”, - o qeyd edib.

Kirantsın digər sakini "Sputnik Ermənistan"-a bildirib ki, Azərbaycan sərhədçiləri körpünün ərazisində, kəndin girişindən bir neçə on metr aralıdadır:

"Azərbaycan sərhədçiləri çox güman ki, minaların olmasından ehtiyat edərək, təkbaşına gəzirlər".

Xatırladaq ki, Tavuş-Qazax ərazisində sərhədin delimitasiya və demarkasiyasından sonra bir hissəsi Azərbaycan ərazisinə düşən Kirants kəndində sərhədə divarın hörülməsinin davam etdiyi ilə bağlı görüntülər yayılmışdı. Erməni mediasının yaydığı görüntüdə hasarın önündə artıq Azərbaycan əsgərlərinin müşahidə apardığı görünür.

Akqabay