.jpg)
"Yuventus"un sabiq müdafiəçisi Leonardo Bonuççi klubu məhkəməyə vermək fikrindən daşınıb.
Publika.az xəbər verir ki, keçən yay italiyalı müdafiəçi ilə yollar ayrılıb. Ona komanda ilə məşq etməyə belə icazə verilməyib. Bonuççi bu hərəkətdən incik düşüb.
O, 2023-cü ilin sentyabrında "Union Berlin"ə transfer olduqdan sonra Turin klubunu məhkəməyə verməklə hədələyib və sözünə əməl edib. 36 yaşlı müdafiəçi səbəb kimi "qoca sinyora"nın bu addımı ilə idman nüfuzuna xələl gəldiyini iddia edib.
İtaliya millisinin üzvü bu günlərdə fikrini dəyişib. "Yuventus" Bonuççinin klubu arbitraj məhkəməsinə verdiyi ərizəni geri götürdüyü barədə bəyanat yayıb.
Leonardo "Yuve" formasıyla 500-dən çox oyun keçirib və 8 dəfə İtaliya çempionu olub. 2024-cü ilin yanvarında o, "Fənərbağça"ya keçib.
Heybət
