Ukrayna və Moldova Avropa Birliyinə üzv olmaq üçün “sürətləndirilmiş namizədlər” statusu alıblar, lakin onlar müəyyən tələblərə əməl etməlidirlər.

Publika.az xəbər verir ki, bu barədə məlumat "RİA Novosti"də yer alıb.

Bildirilir ki, Ukrayna və Moldovanın Avropa Birliyinə qoşulması ilə bağlı danışıqlar prosesi iyunun 25-də başlayacaq.

Qeyd olunur ki, bəzi Avropa İttifaqı üzvləri, məsələn, Polşa, Macarıstan və Rumıniya Moldova ilə Ukraynanın üzvlük prosesinin uzun sürəcəyini vurğulayır.

“Kiyev üçün əsas maneə Rusiya ilə bitməmiş hərbi münaqişədir. Bundan əlavə, Rumıniya Moldovada lobbiçilik edir, lakin çox güman ki, Avropa İttifaqı onlar üçün xüsusi format hazırlayacaq" - politoloq Rostislav İşşenko deyib. Onun fikrincə, bu ölkələrin Avropaya inteqrasiyası onilliklər boyu davam edəcək, lakin onların o qədər də vaxtı yoxdur.

Adəm Abbaslı