Xeyli müddətdir çəkilişlərə ara verərək qızı ilə vaxt keçirən məşhur aktrisa Aslı Enver yenidən ekranlara qayıdır.

Publika.az xəbər verir ki, aktrisa "Netflix"-də yayımlanacaq Kuşatma serialı ilə müqavilə imzalayıb.

Aslı Enver keçən il qızı Elay dünyaya gələndən sonra reklam çəkilişləri istisna olmaqla, digər bütün çəkilişlərə ara vermişdi.

Yalnız siması olduğu bankın reklamlarına çəkilən Aslı Enver "Kuşatma" serialı ilə geridönüş edəcək.

“Kiralık Aşk”, “Ufak Tefek Cinayetler”, “Kuş uçuşu” və “Muhteşem hayatım” filmlərinin ssenari müəllifi Meriç Acemi baş rol ifaçısı Enverin olacağı “Kuşatma” serialının ssenarisini yazacaq. Rejissoru Uluç Bayraktar olan serialda güc mübarizəsi şahmat oyunu kimi qarşılıqlı hərəkətlərlə davam edən iki çətin personaj Nihal və Osmanın sirli və sarsıdıcı münasibətindən, mühasirəyə məruz qalan malikanənin hekayəsindən bəhs edəcək. Serialın aktyor heyəti tam olaraq hələ müəyyənləşməyib.

Cəmilə