"Mançester Siti" "Real"ın forvardı ilə maraqlanır.
Publika.az xəbər verir ki, "şəhərlilər"in hədəfinə çevrilən futbolçu Rodriqodur. Bu barədə “Marca” məlumat yayıb.
Qeyd olunur ki, Kilian Mbappenin qarşıdan gələn transferi ilə əlaqədar bəzi klublar "Real"ın futbolçuları ilə bağlı vəziyyəti izləməyə başlayıblar. Güman edilir ki, onlardan bəziləri yeni rolundan narazı qala bilər.
Bu fürsətdən istifadə etməyə çalışan “Mançester Siti”nin skautları “Real”ın Dortmund “Borussiya”sı ilə qarşılaşacağı Çempionlar Liqasının final matçını stadiondan izləyəcəklər.
Qeyd edək ki, bu mövsüm Rodriqo "Real"ın heyətində bütün turnirlərdə 50 oyun keçirib, 17 qol vurub və 9 məhsuldar ötürmə verib.
Heybət