ABŞ İrana yeni sanksiyalar tətbiq edib.
Publika.az xəbər verir ki, bu barədə ABŞ Maliyyə Nazirliyinin saytında dərc edilən məlumatda bildirilib.
Sanksiyaların İran Aviasiya Sənayesi Təşkilatı ilə əlaqəsi olan bir şəxsi və dörd qurumu hədəf aldığı bildirilir.
Xatırladaq ki, bir müddət bundan əvvəl Birləşmiş Ştatlar Prezidentinin milli təhlükəsizlik məsələləri üzrə müşaviri Ceyk Sallivan mətbuat konfransında ABŞ-nin İrana qarşı yeni sanksiyalar tətbiq edəcəyini demişdi.
"Məqsəd Tehrana təzyiqləri gücləndirməkdir. İndi vəziyyət əvvəlkilərdən fərqlənir. İran daha çox təzyiq və sanksiyalara məruz qalmalıdır", - C. Sallivan qeyd edib.
