"The Washington Post" qəzeti 93 yaşlı irlandiyalı idmançı Riçard Morqanın sağlamlıq sirlərini açıb. Qeyd olunub ki, o, sağlam qocalmağın yollarını öyrənən tədqiqatçıların apardığı araşdırmanın iştirakçısı olub. Morqanın seçilməsi isə təsadüfi deyil. Onun ürəyi, əzələləri və ağciyərlərinin yaşı fizioloji yaşının yarısı qədərdir.

Publika.az xəbər verir ki, nəşrin yazdığına görə, Morqanın nəticələri bir çox cəhətdən onun sağlam qocalma modeli olduğunu göstərir. Məşqlər sayəsində heyrətamiz bədən quruluşuna sahib olan 93 yaşlı kişi dördqat qapalı avarçəkmə üzrə dünya çempionu olub. Lakin o, bildirib ki, idmanla müntəzəm şəkildə 70 yaşından məşğul olmağa başlayıb.

"Bir gün qəfildən anladım ki, bunu etmək böyük zövqdür", - o, açıqlamasında qeyd edib.

İrlandiyanın Limerick Universitetinin tədqiqatçıları belə nəticəyə gəliblər ki, Riçard Morqan fiziki hazırlığını sadə və nisbətən qısaldılmış məşq proqramı vasitəsilə inkişaf etdirib. Məşq vaxtı geri qaytarmayacaq, lakin yaxşı bir fitness rejimi yaşlılığın neqativ təsirlərinin qarşısını almağa kömək edə bilər. Bəs Morqan hansı məşq proqramına əməl etməklə ömrünü uzadır?

Moqran bunu 4 amillə izah edib.

Ardıcıllıq

Ardıcıllıq önənlidir, avarçəkmə çempionu hər gün 40 dəqiqə məşq edir. Tədqiqatçılar hesab edirlər ki, Morqanın məşqinə sadiqliyi ona təsiredici və davamlı nəticələr əldə etməyə kömək edib.

Alternativ təlim

Araşdırmalar göstərib ki, Morqanın təlim proqramı da onun uğurunda əsas amil olub. O, həftə ərzində məşqlərinin intensivliyini dəyişib. Onun məşqlərinin təxminən 70%-i asan, 20%-i çətin, lakin dözülən, 10%-i isə maksimum səylə yerinə yetirilib.

Ağırlıq

Tədqiqatlar göstərib ki, çəkiqaldırma və çömbəlmə kimi müntəzəm müqavimət məşqlərinə qatılan fitnes fanatikləri əzələ gücünü artırmaqla, həm də psixi sağlamlıqlarını yaxşılaşdıra bilərlər. Morqan bunu həftədə iki və ya üç dəfə üç kurs olmaqla, əzələləri çox yorulana qədər hər hərəkəti təkrarlayıb.

Proteinlə zəngin pəhriz

Tədqiqatçılar, təxminən 75 kq çəkidə olan Morqanın proteinlə zəngin rasionu olduğunu bildiriblər. Protein xüsusilə əzələləri möhkəmləndirməyə çalışanlar üçün həyati qida maddəsidir və yaşlılarda xroniki xəstəliklərin qarşısını aldığı deyilir.