Filippinin paytaxtı Manila şəhərində güclü yanğın nəticəsində minə yaxın ev külə dönüb.
QÜTB.AZ xəbər verir ki, bu barədə Manilanın Yanğın İdarəsi məlumat yayıb.
Məlumata görə, yanğın evlərdən birinin ikinci mərtəbəsində başlayıb və qısa müddət ərzində digər mənzillərə yayılıb.
Yanğının baş verdiyi ərazidə iki minə yaxın ailə yaşayırdı. Ölən və yaralananlar barədə dəqiq məlumat verilməyib.
Qeyd edək ki, yanğının söndürülməsinə 36 yük maşını, 4 yanğınsöndürən qayıq, ölkənin hərbi hava qüvvələrinin iki helikopteri cəlb edilib.
