İraq Kürdüstan Regionunun başçısı Neçirvan Bərzani bu gün Ankarada Türkiyə prezidenti Rəcəb Tayyib Ərdoğanla görüşəcək.
QÜTB.AZ xəbər verir ki, Bərzaninin Ərdoğanla Türkiyə, İraq və Kürdüstan Regional Hökuməti arasında əlaqələrin gücləndirilməsi ilə bağlı fikir mübadiləsi aparacağı, tərəflərin bölgədəki son hadisələri və hər iki tərəfi maraqlandıran müxtəlif məsələləri müzakirə edəcəyi bildirilib.
Kürdüstan Regional Hökuməti ilə Türkiyə arasındakı münasibətlər uzun müddətdir təhlükəsizlik, enerji və ticarət zəminində formalaşıb. Bununla belə, iki tərəf arasında ən mühüm gündəm mövzusu PKK-nın İraqın şimalında varlığıdır.
Türkiyə sərhədi keçən terror təşkilatı PKK ilə mübarizədə Kürdüstanın dəstəyinə əhəmiyyət verir.
Aysel Şahmar
