Rusiya Təhlükəsizlik Şurasının sədr müavini Dmitri Medvedev "The Times"ın əməkdaşlarına Moskvada general -leytenant İqor Kirillovun öldürülməsi ilə bağlı dərc olunan məqalədən sonra diqqətli olmağa çağırıb.

QÜTB.AZ xəbər verir ki, Medvedev qeyd edib ki, hazırda nəşrin redaktorları və rəhbərliyi qanuni hərbi hədəfdir. Rusiya Federasiyasının eks-prezidenti bununla bağlı “Telegram” kanalında yazıb.

Medvedev izah edib ki, “Times” məqaləsinsdə Kirillov və onun köməkçisinə qarşı terror hücumunu “qanuni müdafiə aktı” adlandırıb.

Onun sözlərinə görə, Ukraynaya hərbi yardım göstərən NATO ölkələrinin rəsmilərini cəzalandırmaq üçün də eyni məntiqdən istifadə etmək olar.

“Onların adı “Legion”dur. Və bütün bu şəxslər Rusiya dövləti üçün qanuni hərbi hədəf hesab edilə bilər və hesab edilməlidir”, - Medvedev yazıb.

Tural