Robotların 10 il ərzində insan beynini başqasının bədəninə köçürə biləcəkləri iddia edilib. Bu inkişafın insan ömrünü uzadacaq nəticələri ola bilər.

Publika.az xəbər verir ki, “Brain Bridge” nevrologiya və bio mühəndislik təşəbbüsü süni intellekt və robotlardan istifadə edərək yüksək sürətli daşımaları həyata keçirəcək yeni texnologiya hazırlamağı planlaşdırdığını açıqlayıb. Süni intellekt alqoritmləri ilə idarə olunan robotlar donorun beynini çıxararaq, digər donora qoyacaqlar. Beləliklə yaddaş və idrak bacarıqlarının saxlaması nəzərdə tutulur.

Robotlar onurğa beynini, sinirləri və qan damarlarını birləşdirəcək.

Elm dünyasında beyin və baş transplantasiyası cəhdləri yeni deyil. 2017-ci ildə neyrocərrah Sergio Kanavero iki meyit arasında beyin transplantasiyası əməliyyatı keçirdiyini deyərək gündəmə gəlmişdi. Keçən il Kanavero iddia etmişdi ki, indi canlı insanlar arasında beyin transplantasiyası etmək mümkündür.

Aysel Şahmar