20 aprel 1916-cı il aktyor Kərbəlayi Cahangirin evində 1 körpə səsi gəldi. Adını Nəsibə qoydu. İlk və yeganə övladının onun sənətini davam etdirməsini arzu edirdi. Ancaq bunu görmək nəsib olmadı. Nəsibənin 2 yaşı olanda Kərbəlayi yatalaq xəstəliyindən qısa müddətdə vəfat etdi.Bu balaca qız böyüdü, atasının arzusunu inamla həqiqətə çevirdi.

Nəsibə Zeynalovanın musiqili komediya tamaşalarındakı səhnələri yaradıcılığının ən parlaq dövrü hesab olunur.Onun Xanpəri, Şərəf və Nisə, Cənnət xala, Qızbacı, Fatmanisə rolları dillərə əzbərdir.

Musiqili teatrımızın inkişafında böyük xidmətlərinə görə Nəsibə xanım 1960-cı il Azərbaycan Respublikasının əməkdar artisti, 1967-ci ildə xalq artisti fəxri adına layiq görüldü. 

Nəsibə xanım 65 il teatrda çalışıb. Amma son illərdə teatrdan inciyir. Musiqili Komediya Teatrından ayrılır. Həmin dövrdə qoyulan tamaşalar ona uyğun olmur.

Aktrisa ömrünün son günlərində teatr üçün çox darıxaraq deyirmiş: "Heyf, Allah mənə möhlət versəydi, sağlamlığım yerində olsaydı, yenə də oynayardım".

Aktrisa 2004- cü il martın 10-da isə dünyaya əbədiyyən gözlərini yumdu.